Benedict Cumberbatch virðist vera hæfileikaríkur töframaður

Breski leikarinn Benedict Cumberbatch virðist vera nokkuð lunkinn töframaður ef marka má myndband sem blaðið Vanity Fair birti á dögunum.

Þar fer hann yfir mikilvægi vatns í heiminum og hvernig við mannfólkið þurfum að fara sparlega með vatnið.

Cumberbatch tekur vatnsflösku og snýr henni öfugt í myndbandinu. Það sem gerir myndbandið nokkuð sérstakt er að enginn tappi er í flöskunni og vatnið helst í flöskunni.

Hér að neðan má sjá myndbandið en Cumberbatch gerir allskyns önnur brögð með flöskunni.