Líttu á bakvið tjöldin í kosningabaráttu Pírata

Á komandi vikum munu fulltrúar allra flokka sem bjóða fram til Alþingis deila með sér Snapchat-reikningi fréttastofu 365. Þar geta áhorfendur fylgst með því sem á daga þeirra drífur á lokametrum kosningabaráttunnar.

Það eina sem þarf að gera er að bæta við reikningnum stod2frettir og þannig má sjá þær myndir og myndbrot sem frambjóðendurnar hlaða upp.

Píratapartýið fer með tögl og hagldir á Snapchatinu í dag. Flokkurinn hefur verið á mikilli siglingu og í því samhengi má nefna að Píratar njóta mests fylgis samkvæmt nýrri skoðanakönnun fréttastofunnar.

Til að fylgjast með ævintýrum þeirra þarf sem fyrr segir einungis að bæta við stod2frettir eða beina myndavél símans, þegar kveikt er á Snapchat, að gula merkinu hér að neðan.