Ronaldo: Mig dreymir um að vera í mörg ár til viðbótar hjá Real Madrid

Cristiano Ronaldo, leikmaður Real Madrid, segir það sinn draum að vera sem lengst hjá spænska stórliðinu en þessi portúgalski framherji hefur átt ansi gott ár.

Ronaldo vann Meistaradeildina í þriðja sinn í maí þegar Real lagði Atlético Madrid en þetta var í annað sinn sem hann sigrar í Meistaradeildinni. Þá varð hann einnig Evrópumeistari með Portúgal.

Samningur Ronaldo við Real Madrid gildir út leiktíðina 2018 en talið er að spænska félagið muni tilkynna um framlengingu á honum á næstu mánuðum.

„Ég vann Meistaradeildina og Evrópumótið í ár þannig síðustu vikur og mánuðir hafa verið frábærir tímar á mínum ferli,“ segir Ronaldo í viðtali við La Gazzetta dello Sport.

„Þetta fær mig bara til að leggja enn meira á mig fyrir Real Madrid. Það er draumur minn að halda áfram að spila fyrir Real en hér vil ég vera í mörg ár því félagið á sérstakan stað í hjarta mínum“ segir Cristiano Ronaldo.