Læknar náðu að aðskilja tvíbura sem voru samvaxnir á höfði

Bandarískir læknar hafa aðskilið þrettán mánaða gamla tvíbura sem voru samvaxnir á höfði. Bræðurnir heita Jadon og Anais McDonald sem þurftu fyrst að undirgangast sextán klukkustunda aðgerð þar sem þeir voru aðskildir en þurftu síðan að undirgangast nokkrar í viðbót þar sem læknar endurmótuðu höfuðkúpur þeirra.

Móðir drengjanna birti mynd af öðrum þeirra einu síns liðs í fyrsta skiptið á ævi hans eftir að þeir höfðu verið aðskildir. Bróðir hans Anais var þá enn þá í aðgerð.

Alls voru þetta um þrjátíu klukkustundir sem þurfti til að ljúka þessu verki, að aðskilja þá.

Móðir þeirra Nicole McDonald færði fregnir af bræðrunum á Facebook en þeir voru báðir komnir úr aðgerð um klukkan eitt eftir hádegi að staðartími í New York í dag, sem var um klukkan sex hér á Íslandi. 

 

Hér fyrir neðan má sjá umfjöllun Newsy um aðgerðina á tvíburunum:

Hér fyrir neðan má síðan sjá stöðuuppfærslur móður þeirra Nicole: