Deyjandi börn látin liggja á gólfinu Una Sighvatsdóttir skrifar 1. október 2016 18:21 Aleppo er nú líklega sá staður sem kemst nú hvað næst því að vera helvíti á jörðu. Aðstæður voru hörmulegar fyrir en frá því á föstudag í síðustu viku hefur stjórnarher Bashar al Assads látið sprengjum rigna yfir íbúðahverfi þar sem almennir borgarar eru í herkví á heimilum sínum. Í gær var mánaðargamalli stúlku bjargað úr húsarústum eftir sprengju, en á aðeins viku hafa yfir 100 börn dáið og 200 til viðbótar særst, sum mjög alvarlega. „Þetta eru ekki hernaðarleg hverfi, heldur svæði þar sem fólk býr. Það hefur engan öruggan stað til að fara á. Það er engin leið til þess að vernda börnin þarna, þegar sú ákvörðun er tekin að varpa sprengjum á þétta íbúðabyggð," sagði Kieran Dwyer, talsmaður UNICEF í Sýrlandi, þegar fréttastofa Stöðvar2 ræddi við hann frá Damaskus.Fréttastofa ræddi við Kieran Dwyer talsmann UNICEF, barnahjálpar Sameinuðu þjóðanna, frá Damaskus í Sýrlandi.Vita aldrei hvar næsta sprengja fellur Síðustu daga hafa skelfilegar fréttamyndir borist af því þegar börn eru dregin blóðug úr húsarústum eftir loftárásir. Það sem ekki sést hinsvegar eru hin andlegu ör sem börnin bera vegna áfallsins. Kieran segir að börn um allt Sýrland upplifi fullkomna skelfingu og ógn á hverjum einasta degi, sérstaklega á umsetnu svæðunum eins og þeim í austurhluta Aleppo sem nú verða fyrir árásum. „Þau vita aldrei hvar næsta sprengja mun falla. Maður getur ekki ímyndað sér þær þjáningar sem börnin í þessu landi ganga í gegnum," sagði Kieran.Börn deyja á gólfi sjúkrahússinsEngin leið er að flytja hjálpargögn á verst leiknu svæði Aleppo. Sjúkrahús hafa verið sprengd, meðal annars í Aleppo þar sem sprengjum var varpað á stærsta sjúkrahús borgarinnar í dag, í annað sinn í þessari viku. 30 læknar sinnar 250 þúsund íbúum í austurhluta borgarinnar. Að sögn Kierans hafa læknar hafa þurft að taka þá erfiðu ákvörðun að sinna ekki börnum með lífshættulegustu áverkana. „Þeir neyðast til þess að skilja þau eftir á gólfinu, án meðferðar, til að deyja, á meðan þeir einbeita sér að þeim börnum sem þeir telja sig geta bjargað með þeim takmörkuðu sjúkragögnum sem þeir hafa. Slík er örvæntingin, eins og ástandið er orðið."Skelfilegar fréttamyndir berast frá Sýrlandi þar sem börn eru grafin út úr húsrústum eftir loftárásir, sum særð eða dáin.Eiga sér framtíðardrauma eins og önnur börn Á fundi öryggisráðs Sameinuðu þjóðanna í gær hvatti fulltrúi hjálparstarfs í Sýrlandi þjóðir heims til að sameinast í fordæmingu á hörmungunum. Kieran hvetur Íslendinga til að leiða hörmungarnar ekki hjá sér þótt staðan kunni að virðast vonlaus. „Ég held að þegar venjulegir borgarar á Íslandi líta á sín eigin börn og á börn nágranna sinna, þá ættuð þið að ímynda ykkur að þetta séu sýrlensk börn. Því börn eru alls staðar eins, þau hafa sama ótta og sömu vonir. Við vitum það hér, sem vinnum á hverjum degi með börnum sem lifa af þessar árásir. Þau eru ekki að bíða þess að deyja. Þau eiga sér vonir um hvað þau vilja gera í framtíðinni. Þau segja okkur að þau vilji gera landi sitt að friðsælli og betri stað."Neyðarsöfnun UNICEF á Íslandi er enn í fullum gangi og þúsundir manna um allt land hafa lagt henni lið. Hægt er að styðja hana með því að senda sms-ið UNICEF í nr 1900 (1.900 kr). UNICEF hefur hjálpað milljónum barna í Sýrlandi og nágrannaríkjunum síðan stríðið hófst.Þeir örfáu læknar sem starfa enn í Aleppo eru orðnir uppiskroppa með sjúkragögn og þurfa að gera upp á milli barna sem flutt eru á sjúkrahúsinu eftir því hve líklegt má telja að unnt sé að bjarga lífi þeirra. Mest lesið Sáu ekki andlit huldumanns sem þeir telja vera Pétur Jökul Innlent „Erum hér í kvöld svo þetta gerist ekki í þögn“ Innlent Vænsti maður og harðduglegur Innlent Heimafæðingum fjölgar og teljast eðlilegri en áður Innlent Forsetavaktin 2024: Hver verður sjöundi forseti lýðveldisins? Innlent Var í símanum á 142 kílómetra hraða áður en hann lést Innlent „Mig langaði bara að drepa þennan mann“ Innlent Næsta gos gæti hafist á hverri stundu Innlent Bíllinn í happdrætti Ástþórs úr hans eigin smiðju Innlent Starfsmaður Sjúkratrygginga grunaður um fjárdrátt Innlent Fleiri fréttir Færeyingar fjölga vindmyllum til að draga úr olíukyndingu Ein blóðugasta kosningabarátta í manna minnum „Rússneskum lögum“ hraðað áfram þrátt fyrir hávær mótmæli Þrír menn ákærðir í Bretlandi vegna tengsla sinna við Hong Kong Staðfestir flokkun AfD sem öfgasamtaka Sló eigið met á Everest Kórónuveirufaraldurinn ekkert miðað við sýklalyfjaónæmi Aftur barist í norðurhluta Gasa á meðan þúsundir flýja Rafah Aðskilnaðarsinnar að missa þingmeirihluta í Katalóníu Pútín skiptir um varnarmálaráðherra Fjölbýlishús hrundi í Belgorod Fyrsti lifandi svínsnýrnaþeginn er látinn Mótmælin gegn „rússnesku“ lögunum stækka enn Palestína fær aukna þáttöku á allsherjarþingi SÞ Hundruð létust í flóðum Fyrirskipa þúsundum að yfirgefa Rafah Hollenska söngvaranum bannað að keppa í kjölfar „hótana“ Evrópa böðuð bleiku Líklegt að Ísraelar hafi brotið alþjóðalög með bandarískum vopnum Hefja árásir nærri Karkív Selenskí bauð Bjarna á friðarfund í Sviss Reyndu aftur að fá málið fellt niður vegna Stormy Daniels Segja lögregluþjón hafa bankað á rangar dyr og skotið ungan mann Ísraelsstjórn vígreif þrátt fyrir viðsnúning Bandaríkjamanna Færeyingar áforma 4.500 króna aðgangseyri á alla ferðamenn Börnum safnað saman og þau skotin Skotið á íbúa Rafah og heilbrigðiskerfi Gasa hrunið Ellefu slasaðir eftir að flugtak Boeing 737 mistókst Lýsa hræðilegu ofbeldi fyrir sjóslys þar sem tugir létu lífið Takmarkar hernaðaraðstoð verði gerð árás á Rafah Sjá meira
Aleppo er nú líklega sá staður sem kemst nú hvað næst því að vera helvíti á jörðu. Aðstæður voru hörmulegar fyrir en frá því á föstudag í síðustu viku hefur stjórnarher Bashar al Assads látið sprengjum rigna yfir íbúðahverfi þar sem almennir borgarar eru í herkví á heimilum sínum. Í gær var mánaðargamalli stúlku bjargað úr húsarústum eftir sprengju, en á aðeins viku hafa yfir 100 börn dáið og 200 til viðbótar særst, sum mjög alvarlega. „Þetta eru ekki hernaðarleg hverfi, heldur svæði þar sem fólk býr. Það hefur engan öruggan stað til að fara á. Það er engin leið til þess að vernda börnin þarna, þegar sú ákvörðun er tekin að varpa sprengjum á þétta íbúðabyggð," sagði Kieran Dwyer, talsmaður UNICEF í Sýrlandi, þegar fréttastofa Stöðvar2 ræddi við hann frá Damaskus.Fréttastofa ræddi við Kieran Dwyer talsmann UNICEF, barnahjálpar Sameinuðu þjóðanna, frá Damaskus í Sýrlandi.Vita aldrei hvar næsta sprengja fellur Síðustu daga hafa skelfilegar fréttamyndir borist af því þegar börn eru dregin blóðug úr húsarústum eftir loftárásir. Það sem ekki sést hinsvegar eru hin andlegu ör sem börnin bera vegna áfallsins. Kieran segir að börn um allt Sýrland upplifi fullkomna skelfingu og ógn á hverjum einasta degi, sérstaklega á umsetnu svæðunum eins og þeim í austurhluta Aleppo sem nú verða fyrir árásum. „Þau vita aldrei hvar næsta sprengja mun falla. Maður getur ekki ímyndað sér þær þjáningar sem börnin í þessu landi ganga í gegnum," sagði Kieran.Börn deyja á gólfi sjúkrahússinsEngin leið er að flytja hjálpargögn á verst leiknu svæði Aleppo. Sjúkrahús hafa verið sprengd, meðal annars í Aleppo þar sem sprengjum var varpað á stærsta sjúkrahús borgarinnar í dag, í annað sinn í þessari viku. 30 læknar sinnar 250 þúsund íbúum í austurhluta borgarinnar. Að sögn Kierans hafa læknar hafa þurft að taka þá erfiðu ákvörðun að sinna ekki börnum með lífshættulegustu áverkana. „Þeir neyðast til þess að skilja þau eftir á gólfinu, án meðferðar, til að deyja, á meðan þeir einbeita sér að þeim börnum sem þeir telja sig geta bjargað með þeim takmörkuðu sjúkragögnum sem þeir hafa. Slík er örvæntingin, eins og ástandið er orðið."Skelfilegar fréttamyndir berast frá Sýrlandi þar sem börn eru grafin út úr húsrústum eftir loftárásir, sum særð eða dáin.Eiga sér framtíðardrauma eins og önnur börn Á fundi öryggisráðs Sameinuðu þjóðanna í gær hvatti fulltrúi hjálparstarfs í Sýrlandi þjóðir heims til að sameinast í fordæmingu á hörmungunum. Kieran hvetur Íslendinga til að leiða hörmungarnar ekki hjá sér þótt staðan kunni að virðast vonlaus. „Ég held að þegar venjulegir borgarar á Íslandi líta á sín eigin börn og á börn nágranna sinna, þá ættuð þið að ímynda ykkur að þetta séu sýrlensk börn. Því börn eru alls staðar eins, þau hafa sama ótta og sömu vonir. Við vitum það hér, sem vinnum á hverjum degi með börnum sem lifa af þessar árásir. Þau eru ekki að bíða þess að deyja. Þau eiga sér vonir um hvað þau vilja gera í framtíðinni. Þau segja okkur að þau vilji gera landi sitt að friðsælli og betri stað."Neyðarsöfnun UNICEF á Íslandi er enn í fullum gangi og þúsundir manna um allt land hafa lagt henni lið. Hægt er að styðja hana með því að senda sms-ið UNICEF í nr 1900 (1.900 kr). UNICEF hefur hjálpað milljónum barna í Sýrlandi og nágrannaríkjunum síðan stríðið hófst.Þeir örfáu læknar sem starfa enn í Aleppo eru orðnir uppiskroppa með sjúkragögn og þurfa að gera upp á milli barna sem flutt eru á sjúkrahúsinu eftir því hve líklegt má telja að unnt sé að bjarga lífi þeirra.
Mest lesið Sáu ekki andlit huldumanns sem þeir telja vera Pétur Jökul Innlent „Erum hér í kvöld svo þetta gerist ekki í þögn“ Innlent Vænsti maður og harðduglegur Innlent Heimafæðingum fjölgar og teljast eðlilegri en áður Innlent Forsetavaktin 2024: Hver verður sjöundi forseti lýðveldisins? Innlent Var í símanum á 142 kílómetra hraða áður en hann lést Innlent „Mig langaði bara að drepa þennan mann“ Innlent Næsta gos gæti hafist á hverri stundu Innlent Bíllinn í happdrætti Ástþórs úr hans eigin smiðju Innlent Starfsmaður Sjúkratrygginga grunaður um fjárdrátt Innlent Fleiri fréttir Færeyingar fjölga vindmyllum til að draga úr olíukyndingu Ein blóðugasta kosningabarátta í manna minnum „Rússneskum lögum“ hraðað áfram þrátt fyrir hávær mótmæli Þrír menn ákærðir í Bretlandi vegna tengsla sinna við Hong Kong Staðfestir flokkun AfD sem öfgasamtaka Sló eigið met á Everest Kórónuveirufaraldurinn ekkert miðað við sýklalyfjaónæmi Aftur barist í norðurhluta Gasa á meðan þúsundir flýja Rafah Aðskilnaðarsinnar að missa þingmeirihluta í Katalóníu Pútín skiptir um varnarmálaráðherra Fjölbýlishús hrundi í Belgorod Fyrsti lifandi svínsnýrnaþeginn er látinn Mótmælin gegn „rússnesku“ lögunum stækka enn Palestína fær aukna þáttöku á allsherjarþingi SÞ Hundruð létust í flóðum Fyrirskipa þúsundum að yfirgefa Rafah Hollenska söngvaranum bannað að keppa í kjölfar „hótana“ Evrópa böðuð bleiku Líklegt að Ísraelar hafi brotið alþjóðalög með bandarískum vopnum Hefja árásir nærri Karkív Selenskí bauð Bjarna á friðarfund í Sviss Reyndu aftur að fá málið fellt niður vegna Stormy Daniels Segja lögregluþjón hafa bankað á rangar dyr og skotið ungan mann Ísraelsstjórn vígreif þrátt fyrir viðsnúning Bandaríkjamanna Færeyingar áforma 4.500 króna aðgangseyri á alla ferðamenn Börnum safnað saman og þau skotin Skotið á íbúa Rafah og heilbrigðiskerfi Gasa hrunið Ellefu slasaðir eftir að flugtak Boeing 737 mistókst Lýsa hræðilegu ofbeldi fyrir sjóslys þar sem tugir létu lífið Takmarkar hernaðaraðstoð verði gerð árás á Rafah Sjá meira