Fleiri hætta við hælisumsókn

Sífellt fleiri flóttamenn iðrast nú komu sinnar til Svíþjóðar. Það sem af er árinu hafa 4.500 flóttamenn dregið hælisumsókn sína til baka miðað við 3.800 allt árið í fyrra. Samkvæmt Dagens Nyheter eru hertar reglur og löng bið meðal ástæðnanna.

Meðal Íraka, sem eru þriðji stærsti hópur hælisleitenda á eftir Sýrlendingum og Afgönum, hafa rúmlega 2.000 dregið umsókn sína um hæli til baka.

Í fyrra komu 51.338 hælisleitendur frá Sýrlandi til Svíþjóðar, 41.564 frá Afganistan og 20.857 frá Írak.

Fréttin birtist fyrst í Fréttablaðinu