Kanye West afbókar sig alltaf í Carpool Karaoke

„Kanye hefur í tvígang verið bókaður og í bæði skiptin kom eitthvað upp og hann gat ekki mætt,“ segir spjallþáttastjórnandinn James Corden í samtali við breska tímaritið GQ en hann ótal sinnum reynt að fá rapparann Kanye West í dagskráliðinn Carpool Karaoke.

Í þeim lið fær hann til sín frægt fólk, fer með það á rúntinn og syngur lögin þeirra.

„Hann mætir á endanum, hann langar að mæta. Síðast þegar hann afbókaði sig sendi hann mér 36 hvítar rósir,“ segir Corden sem hlakkar til að fá rapparann á rúntinn.