Sprenging nærri heimili fyrir hælisleitendur í Bæjaralandi

Sprenging hefur orðið nærri móttöku og heimili fyrir hælisleitendur í bænum Zirndorf, vestur af Nürnberg, í Bæjaralandi. Bayern Rundfunk greinir frá þessu á vef sínum, og segir lögreglu hafa verið kallaða á staðinn.

Að sögn sprakk ferðataska sem hafði verið fyllt af úðabrúsum. Að sögn þýskra fjölmiðla særðist enginn í sprengingunni.

Þeir sem komu töskunni fyrir eiga að hafa að flúið frá vettvangi.

Málefni hælisleitenda og flóttafólks hafa verið mikið í umræðunni í Þýskalandi að undanförnu í kjölfar grófra ofbeldisverk nokkurra hælisleitenda undanfarnar vikur.