Bikiniklædd lögreglukona á frívakt hafði hendur í hári vasaþjófs

Sænska lögreglukonan Mikaela Kellner hafði hendur í hári vasaþjófs þegar hún var í sólbaði með vinkonum sínum í almenningsgarði í Stokkhólmi á frívakt sinni síðastliðinn á miðvikudaginn.

„Ég hikaði ekki. Hefði ég verið nakin hefði ég líka gripið inn í. Það er ekkert sem stöðvar mig. Það var samt frekar skondið að ég náði honum klædd í einungis bikiníi,“ segir Kellner í samtali við Aftonbladet sem hægt er að hlusta á í spilaranum hér fyrir neðan.

Kellner birti mynd af atvikinu á Instagram-reikningi sínum og hefur henni verið sérstaklega hrósað fyrir viðbrögð sín. „Ég er himinlifandi að hafa birt myndina og hafa margir haft samband sem hafa lent í slíklum glæpamönnum. Tilgangurinn var að benda á hve auðvelt er að verða rændur.“

Kellner segir að maður hafi komið upp að þeim vinkonum til að selja dagblöð og hafi hún strax tekið eftir að hann hafi litið í kringum sig líkt og hann væri að leita að einhverju til að hnupla.

Eftir nokkra stund hafi maðurinn lagt dagblöðin á teppi þeirra og skömmu síðar hafi hann tekið þau upp aftur sem og farsíma sem var undir þaim. „Við náðum honum fljótt og rifum hann niður í grasið. Hann gerði sér fljótt grein fyrir að það þýddi ekkert að streitast á móti.“

Lögreglumaður á vakt var svo fljótur á vettvang og var farið með manninn niður á lögreglustöð.

En stackars hemlös kille som man kan tro försöker göra rätt för sig. Han säljer tidningar istället för att tjuva!! När vi avböjer att köpa hans tidningar passar han på att stjäla min kompis mobiltelefon!! Väldigt skickligt av honom då han smyger ner sina tidningar över mobilen och får sedan med sig den med lätthet!! Osis för denna kille att han råkade sno av två poliser!! Mitt första ingripande iklädd bikini under mina 11 år som polis!! Ganska kul och trivsamt måste jag säga ! Se upp för ficktjuvar, håll koll på era värdesaker!!

A photo posted by mikaelakellner (@mikaelakellner) on Jul 27, 2016 at 7:18am PDT