Owen Wilson í fótbolta á Laugaveginum - Myndir

Bandaríski leikarinn Owen Wilson er staddur á Íslandi þessa dagana og virðist kappinn skemmta sér prýðilega. Samkvæmt heimildum Vísis skellti hann sér í miðbæ Reykjavíkur um helgina og dansaði þar á Danska barnum við ljúfa tóna sem þar hljómuðu.

Í gær gekk Wilson niður Laugaveginn og það með fótbolta á undan sér. Wilson sýndi víst fína takti í því að rekja boltann áfram en fyrirsætan Andrea Röfn birti nokkrar myndir af Wilson með fótboltann á Twitter. Úrslitaleikur EM fór fram í gærkvöldi og gæti það spilað inn í af hverju Wilson var með fótbolta með sér. 

Wilson er 48 ára gamall leikari úr mikilli leikarafjölskyldu en bræður hans Andrew og Luke eru einnig leikarar. Wilson skaust upp á stjörnuhimininn í kringum aldamótin þegar hann lék í vinsælum myndum á borð við Zoolander og The Royal Tenenbaums.

Hér að neðan má sjá myndirnar sem Andrea birti.

Hér höfum við Owen Wilson að rekja bolta niður Laugaveginn pic.twitter.com/GcbbLk5aOC

— Andrea Röfn (@andrearofn) July 10, 2016