Hinn 72 ára Mick Jagger á von á sínu áttunda barni

Sir Mick Jagger, söngvari hljómsveitarinnar Rolling Stones, á von á sínu áttunda barni með kærustunni sinni Melanie Hamrick.

Jagger er 72 ára og Hamrick 29 ára. Það er því töluverður aldursmunur á þeim en söngvarinn á fyrir sjö börn á aldrinum 17-45 ára.

Hann varð langafi á síðasta ári. Talsmaður Jagger hefur nú staðfest að Hamrick sé barnshafandi en fréttirnar koma aðeins tveimur mánuðum eftir að Ronnie Wood, meðlimur í sveitinni Rolling Stones, og eiginkona hans eignuðust tvíbura. Wood er 68 ára.

Jagger og Hamrick byrjuðu saman árið 2014 eftir að L'Wren Scott, eiginkona Jagger til 13 ára, svipti sig lífi.