Dramatík í Jackson fjölskyldunni

Barnsmóðir og fyrrum eiginkona popparans Michael Jackson á ekki sjö daganna sæla. Debbie Rowe sem er móðir þeirra Prince og Paris hefur greinst með brjóstakrabbamein og berst nú við fjölskyldu Jackson um að ná sambandi við börnin sín.

Eftir dauða popparans urðu þær mæðgur mjög nánar en fyrir ári síðan sleit París, sem nú er 18 ára gömul, allt samband við móður sína af einhverjum ástæðum. Talað er um að samband þeirra hafi verið orðið það náið að það hafði truflandi áhrif á samskipti hennar við restina af Jackson fjölskyldunni.

Rowe hefur því ekkert náð í dóttur sína vegna veikinda sinna og útlit fyrir að hún hafi leitað til slúðurpressunnar til þess að reyna ná sambandi við hana.

Bauðst til að bera popparanum börn

Debbie Rowe kynntist Michael Jackson á læknastofu þar sem hún vann og hann sótti um það leyti sem hann var að skilja við Lisu-Marie Presley, dóttur Elvis. Popparinn á að hafa verið miður sín þar sem hann óttaðist að hann myndi aldrei eignast afkvæmi. Debbie, sem var mikill aðdáandi popparans, á þá að hafa boðist til þess að bera honum börn sem hann þáði. Þau giftu sig svo stuttu fyrir fæðingu frumburðarins árið 1996. París fæddist tveimur árum seinna.

Það hefur aldrei verið gefið upp hver sé móðir yngsta barns Jackson sem popparinn sveiflaði svo eftirminnilega fram af svölum á hóteli sínu í Berlín skömmu eftir fæðingu snáða. Hann fæddist eftir að Debbie Rowe og popparinn skildu.

Sá yngsti var skírður það sama og bróður sinn en þeir heita Prince Michael Jackson fyrri og seinni. Sá yngri var kallaður Blanket en gaf það viðurnefni upp á bátinn nýverið eftir að hafa verið strítt endalaust á því í skóla. Snáði gengur víst undir nafninu Bigi Jackson í dag.

Lítið er vitað um líf barna Michael Jackson en þeim hefur tekist að mestu að halda sig fyrir utan slúðurpressuna. París hefur verið hvað mest áberandi en hún hefur verið að prufa sig áfram á leiklistarbrautinni.