Írskir stuðningsmenn reyndu að syngja ungabarn í svefn

Sem stendur er Frakkland fullt af knattspyrnuáhugamönnum sem lagt hafa land undir fót til að styðja lið sitt á Evrópumótinu sem fram fer þar í landi. Stuðningsmönnunum fylgir oftar en ekki talsvert háreysti og öðrum jafnvel ofbeldi en enn aðrir eru til algerrar fyrirmyndar.

Írsku stuðningsmennirnir hafa löngum fallið í síðasta flokkinn og það sýndu þeir og sönnuðu í gær. Þá höfðu þeir fjölmennt í lest í Bordeaux en í lestinni var að finna franskt par með ungabarn.

Í stað þess að láta skagfirsku söngvilluna ná yfirhöndinni ákváðu hinir grænklæddu að gera sitt besta til að syngja barnið í svefn með rólegum vögguvísum.

Myndband af þessu uppátæki má sjá hér fyrir neðan.