Handtekinn vegna lekans

Starfsmaður tölvudeildar panamísku lögfræðistofunnar Moss­ack Fonseca hefur verið handtekinn í Sviss. Maðurinn er grunaður um að hafa lekið yfir ellefu milljónum leyniskjala úr gagnagrunni stofunnar og sakar lögfræðistofan starfsmann sinn um þjófnað og trúnaðarbrot.

Talið er að hann hafi lekið gögnunum frá Genf, höfuðborg Sviss, en hann hafði aðgang að öllum skjölum stofunnar frá skrifstofu sinni.

Gerð var húsleit á skrifstofum Mossack Fonseca í Genf og lagði svissneska lögreglan hald á tölvubúnað. Maðurinn neitar öllum ásökunum.

Hinum svokölluðu Panamaskjölum var lekið til þýska blaðsins Süddeutsche Zeitung og er um að ræða stærsta gagnaleka til fjölmiðla frá upphafi. Í gögnunum er að finna upplýsingar um eignir fjölmargra einstaklinga í aflandsfélögum.

Fréttin birtist fyrst í Fréttablaðinu 16. júní.