Harry prins og Ellie Goulding nýjasta stjörnuparið?

Harry prins og söngkonan Ellie Goulding hafa verið vinir í nokkur ár en nú er þeirri spurningu varpað fram í fjölmiðlum í Bretlandi hvort að þau séu mögulega par.

Til þeirra sást saman á pólómóti nýlega og er því haldið fram af öðrum sem sóttu mótið að þau hafi verið þar afar náin og þá sagði einn að þau hefðu sést kyssast undir teppi.

„Þau voru með stærri hóp, þar á meðal Tom Hardy, en gátu ekki tekið augun af hvort öðru. Þau sáust kyssast áður en Harry þurfti að fara því hann var að fara að spila pólóleik daginn eftir. Ellie fór stuttu síðar.“

Það er ekki ofsögum sagt að Harry prins sé einn af eftirsóttustu piparsveinum heims en hann hefur verið á lausu frá því hann hætti með Cressidu Bonas fyrir tveimur árum síðan. Goulding er ein vinsælasta söngkona í heimi og hefur í gegnum árin verið orðuð við tónlistarmenn á borð við Ed Sheeran og Calvin Harris.