Alexander Skarsgård sendi Andra Snæ kveðju

Forsetaframbjóðandinn Andri Snær Magnason birti á Facebook síðu sinni í dag kveðju frá sænska leikaranum Alexander Skarsgård. Alexander segist ekki geta kosið í forsetakosningunum í júní þar sem hann hafi ekki íslenskan ríkisborgararétt, en bætir við orðinu „ennþá“.

Hann hvetur fólk til að kjósa Andra Snæ segir að enginn „gæti verið betri talsmaður ykkar fallega lands.“

Skarsgård er hvað þekktastur hér á landi fyrir að leika vampíruna Eric Northman í þáttunum True Blood. Þá leikur hann aðalhlutverkið í nýrri mynd um Tarzan, ásamt Margot Robbie, sem frumsýnd verður núna í sumar.