CIA heldur upp á fimm ára afmæli dauða Osama Bin Laden á undarlegan hátt

Þann 1. maí 2011 var Osama Bin-Laden drepinn af sérsveitarmönnum Bandaríkjanna í háleynilegri aðgerð sem undirbúin var mánuðum saman. Í tilefni fimm ára afmælis dauða hins fallna hryðjuverkaleiðtoga ákvað Leyniþjónusta Bandaríkjanna, CIA, að minnast þess með því að live-tísta aðgerðinni eins og hún fór fram.

Osama Bin Laden var leiðtogi hryðjuverkasamtakanna Al-Kaída og var efstur á lista Bandaríkjanna yfir eftirlýsta glæpamenn í áratug, eða allt frá árásunum á Tvíburaturnana í New York 11. september 2001. Bandarísk yfirvöld höfðu lengi leitað að felustað Bin Laden. Í ágúst mánuði árið 2010 komust yfirvöld á snoðir um að hann væri í felum í höll skammt utan við Islamabad, höfuðborg Pakistans.

Aðgerðin var skipulögð mánuðum saman og að lokum lét fámennur hópur bandarískra sérsveitarmanna til skarar skríða þann 1. maí 2011 og drápu Bin Laden í því sem kallað var Operation Bin Laden eða Aðgerð Bin Laden

CIA minntist aðgerðarinnar með því að tísta nokkrum lykilupplýsingum svo sem upplýsingum um húsið sem Osama Bin Laden dvaldi í. Skömmu seinna birtist þetta tíst.

To mark the 5th anniversary of the Usama Bin Ladin operation in Abbottabad we will tweet the raid as if it were happening today.#UBLRaid

— CIA (@CIA) May 1, 2016

Þegar þessi frétt er skrifuð er CIA enn að tísta um aðgerðina. Sjá má nýjustu tístin í kassanum hér fyrir neðan.

Tweets by @CIA