48 Íslendingar sameinast í kröfu um umbætur í fíkniefnavörnum

Fjörutíu og átta íslenskir áhrifamenn skrifa undir alþjóðlegt ákall til Ban Ki-moon, aðalritara Sameinuðu þjóðanna, um að hann beiti áhrifum sínum á Auka-allsherjarþingi SÞ um vímuefnamál (UNGASS2016) í þágu lýðheilsu og mannréttinda í stað útskúfunar- og refsihyggju.

Pétur Þorsteinsson, formaður Snarrótarinnar, stendur fyrir áskoruninni og segir að um þversnið af samfélaginu sé að ræða, þvert á pólitískar línur enda sé á listanum að finna fólk úr öllum flokkum.

Pétur segir í samtali við Vísi að þetta sýni að krafan um breytingar sé orðin gríðarlega úrbreidd. Sú krafa sé hávær meðal ungs fólks en eins og listinn sýni þá sé stuðningurinn líka mikill meðal fólks á miðjum aldri og eldra.

Þessi hópur leggi málstað umbóta í fíknivörnum í heiminum lið og skrifi undir ákall ríflega eitt þúsund heimsþekktra stjórmálaleiðtoga og áhrifamanna er hafni refsihyggjunni sem tröllriðið hefur veröldinni áratugum saman og bundin er í alþjóðlegum sáttmálum Sameinuðu þjóðanna.

Fyrrverandi forsetar Mexíkó, Columbíu, Brasilíu, Síle, Nígeríu, Grænhöfðaeyja, Sviss og Póllands; fyrrverandi forsætisráðherrar Grikklands, Ungverjalands og Hollands; heimskunnir fræðimenn, lögfræðingar, trúarleiðtogar, stjórnmálamenn og stórstjörnur sameinast um ákall um fráhvarf frá bann- og refsihyggju og nýja valkosti og leiðir í fíknivörnum.

Pétur áréttar að undirskriftirnar lýsi stuðningi við þá meginhugsun um umbætur í fíknivörnum í heiminum sem fram koma í ákallinu til aðalritarans, en þurfa ekki endilega að endurspegla skoðanir viðkomandi varðandi markmið og leiðir dagsins í dag varðandi fíknivarnir á Íslandi. Þá segi undirskriftirnar ekkert um afstöðu þeirra stofnana eða fyrirtækja sem viðkomandi starfi hjá og endurspegli ekki endilega yfirlýsta stefnu íslenskra stjórnmálaflokka sem viðkomandi tengjast.

Þeir 48 sem skrifuðu undir

Jón Steinar Gunnlaugsson, fyrrverandi Hæstaréttardómari

Árni Páll Árnason þingmaður

Vilhjálmur Árnason þingmaður

Halldór Árnason hagfræðingur

Valgerður Bjarnadóttir þingmaður

Ísabella Björnsdóttir skaðaminnkunarsinni

Þorsteinn Úlfar Björnsson listamaður

Helga Sif Friðjónsdóttir hjúkrunarfræðingur

Thor Gislason verkefnastjóri

Björn Valur Gíslason fyrrverandi þingmaður

Jón Gnarr, fyrrverandi borgarstjóri

Helgi Hrafn Gunnarsson, þingmaður 

Guðmundur Gunnarsson, fyrrverandi forseti Rafiðnaðarsambandsins

Helgi Gunnlaugsson afbrotafræðingur

Steinn Thoroddsen Halldórsson skaðaminnkunarsinni

Atli Harðarson heimspekingur

Helga Vala Helgadóttir lögmaður

Kristinn Hrafnsson fréttamaður

Eva Indriðadóttir formaður ungra jafnaðarmanna

Sigríður Ingibjörg Ingadóttir þingmaður

Katrín Jakobsdóttir þingmaður

Svala Jóhannesdóttir skaðaminnkunasinni

Birgitta Jónsdóttir þingmaður

Arnar Jónsson leikari

Gunnlaugur Jónsson frumkvöðull

Sigríður Rut Júlíusdóttir lögmaður

Bjarki Karlsson skáld

Smári McCarthy sérfræðingur í netöryggi

Þorlákur Morthens listamaður

Bubbi Morthens tónlistarmaður

Brynjar Níelsson þingmaður

Katrín Oddsdóttir mannréttindalögmaður

Rúnar Örn Olsen lögmaður

Lárus Ýmir Óskarsson leikstjóri

Kristín I. Pálsdóttir, talskona Rótarinnar

Óttarr Proppé þingmaður

Sveinn Rúnar Hauksson læknir

Stefán Karl Stefánsson leikari

Guðmundur Steingrímsson þingmaður

Halldór Auðar Svansson borgarfulltrúi

Hafþór Sævarsson formaður ungra Pírata

Margrét Tryggvadóttir rithöfundur

Þórhildur Sunna Ævarsdóttir rithöfundur

Þórhildur Þorleifsdóttir leikstjóri

Willum Þór Þórsson þingmaður

Steinunn Ólína Þorsteinsdóttir leikkona

Pétur Þorsteinsson formaður Snarrótarinnar

Þorsteinn Þorsteinsson bókmenntagagnrýnandi