Kim nakin á ný: Konur verða að geta verið kynverur á eigin forsendum

Allt ætlaði um koll að keyra í upphafi mánaðarins þegar þúsundþjalasmiðurinn Kim Kardashian setti nektarmynd af sér á Twitter. Flestir vestanhafs virtust hafa skoðun á myndinni og fylgdi fjöldi leikara og tónlistarmanna í fótspor hennar í kjölfarið. Nú hefur hún endurtekið leikinn en í þetta skipti er leikkonan Emily Ratajkowski með henni í för.

Stöllurnar ganga ekki jafnlangt í myndbirtingunni og íslenskar kynsystur þeirra hafa gert að undanförnu til að mynda í tengslum við #FreeTheNipple herferðina. Hvort Kardashian muni dýfa tánum í þá laug síðar meir skal ósagt látið en ljóst er að boðskapurinn og markmiðin eru þau sömu.

Ratajkowski er þekkt fyrir leik sinn í kvikmyndunum Gone Girl og Entourage auk þess að hafa verið ein stelpnanna sem dansaði í tónlistarmyndandi við lagið Blurred Lines með Robin Thicke. Hún tísti sjálf um myndina sem Kardashian birti.

„Það verður að vera rúm til að konur geti verið kynverur þegar þær vilja,“ segir í tísti hennar.

When we're like...we both have nothing to wear LOL @emrata pic.twitter.com/j52pX8ihOz

— Kim Kardashian West (@KimKardashian) March 30, 2016

We are more than just our bodies, but that doesn't mean we have to be shamed for them or our sexuality. #liberated

— Emily Ratajkowski (@emrata) March 30, 2016

Even if being sexualized by society's gaze is demeaning, there must be a space where women can still be sexual when they choose to be.

— Emily Ratajkowski (@emrata) March 30, 2016