Dekkjakurli verður skipt út í Hafnarfirði

sunna karen sigurþórsdóttir skrifar 10. mars 2016 14:23

Dekkjakurl er víða að finna á fótboltavöllum og öðrum leikvöllum barna. Fréttablaðið/Stefán

Bæjarráð Hafnarfjarðar samþykkti á fundi sínum í dag að gúmmíkurli verði skipt út á sparkvöllum við grunnskóla bæjarins, samtals átta völlum. Framkvæmdir munu hefjast í sumar og gert er ráð fyrir að allt kurl verði farið af völlunum frá og með hausti 2016. Áætlaður kostnaður er 15 milljónir króna.

Þetta kemur fram í samþykkt bæjarráðs, en þar segir jafnframt að gervigras og gúmmíkurl á íþróttasvæðum FH og Hauka uppfylli gildandi gæðakröfur.

„Þótt ekki sé vísindalega staðfest að kurl valdi heilsutjóni þá þyki rík ástæða til að láta alla þá sem nota vellina í frístundum, íþróttum og tómstundum njóta vafans. Hafnarfjarðarbær, FH og Haukar reka ti lviðbótar tvo stóra velli; á Ásvöllum og í Kaplakrika. Báðir vellirnir uppfylla gildandi gæðakröfur þar sem kurl vallanna er yngra og vottað,“ segir í samþykktinni.

Tengdar fréttir

Segja sveitarfélög virða reglur að vettugi

Fjölmennur hópur foreldra sem áhyggjur hafa af notkun dekkjakurls á leikvöllum leggur til að slík notkun verði bönnuð með lögum, enda sé hún hættuleg. Reykjavíkurborg og fleiri sveitarfélög eru sögð sýna málinu lítinn áhuga.

7. mars 2016 15:00

Dekkjakurlið burt fyrir árslok í Kópavogi

Bæjarstjórn Kópavogsbæjar hefur samþykkt að lokið verði við að skipta út gúmmíkurli úr dekkjum á sparkvöllum við grunnskóla bæjarins á árinu.

8. mars 2016 19:26

Ung knattspyrnukona rekur öndunarfærasjúkdóm til dekkjakurls

Ung knattspyrnukona í Fram telur að bein tengsl séu á milli öndunarfærasjúkdóms sem hún glímir við og þeirri staðreynd að hún hefur spilað undanfarin 5 ár á velli sem þakinn er heilsuspillandi dekkjakurli. Hér áður fyrr var hún alltaf með sterk og heilbrigð lungu.

3. mars 2016 19:00

Seltirningar segja skilið við gúmmíkurlið

Sviðsstjóri hjá bænum segir umræðu hafa haft áhrif en sömuleiðis sé komin tími á að endurnýja völlinn.

7. mars 2016 12:39

Læknir skorar á borgina að láta af „tilraun á börnunum“ í dekkjakurlinu

Grunsemdir eru um að dekkjakurl sem notað er sem uppfyllingarefni á gervisgrasvöllum geti valdið eitlakrabbameini og hvítblæði. Há tíðni eitlakrabbameins hjá börnum sem hafa spilað í marki í fótbolta hefur vakið athygli. Kurlið er notað á 21 spark- og gervigrasvöll í Reykjavík.

4. mars 2016 19:26