Náðu loks að frumsýna: Hleyptu þeim rétta inn fór vel af stað

Í gærkvöldi fór loks fram frumsýning á leikritinu Hleyptu þeim rétta inn í Þjóðleikhúsinu en fresta þurfti frumsýningunni vegna slyss sem átti sér stað á æfingu með þeim afleiðingum að aðalleikkona sýningarinnar, Vigdís Hrefna, slasaðist og gat því miður ekki tekið þátt áfram.

Síðustu tvær vikur hafa farið í það að koma leikkonunni Láru Jóhönnu Jónsdóttur inn í hlutverk Vigdísar.

Sjá einnig: „Ég var kominn með hálfgerða hveitipabbabumbu“

Fjölmargir mættu á frumsýninguna í gær og tókst vel til en Anton Brink, ljósmyndari 365, var á staðnum og fangaði stemninguna. Meðal gesta voru Salka Sól og Arnar Freyr, í Úlf Úlf, Ólafur Stefánsson, Símon Birgisson, Þorgerður Katrín og Friðrik Ómar.