Hrekkir kærustuna með gervibónorði: Hún hefndi sín rosalega - Myndbönd

Hinn 24 ára Brad Holmes fór heldur betur illa með kærustuna sína á dögunum þegar hann fór niður á skeljarnar og þóttist ætla biðja Jenny Davies um að giftast sér. Hann var með litla öskju og þegar hann var kominn niður á hné fór hún að tárast. Hann opnaði öskjuna og spurði síðan; „Ertu til í að gefa mér te?“

Í öskjunni var lítill tepoki. Jenny brást eðlilega mjög illa við og strunsaði í burtu. Hér að neðan má sjá þegar hann hrekkir hana.

So I popped the big question today..

Posted by Brad Holmes on 14. febrúar 2016

Jenny ákvað strax að hefna sín og það illilega. Hún fékk að láni óléttupróf sem hafði jákvæða niðurstöðu og vakti hann síðan einn daginn með rosalegar fréttir. 

Holmes var lengi að trúa henni en að lokum varð hann mjög glaður og vildi fá að hringja strax í pabba sinn til að segja honum góðu fréttirnar. Allt var þetta aftur á móti lygi og brást þá kærastinn einnig mjög illilega við. Hér að neðan má sjá þegar Jenny segir honum að hún sé ólétt.