Hera Björk húrraði niður á sinn konunglega afturenda

Stórsöngkonan Hera Björk gaf út yfirlýsingu til aðdáenda sinna þar sem hún lýsti því yfir, með miklum trega, að fyrirhugaðri sýningu hennar, Queen of effing everything, hafi verið aflýst í bili.

„Elsku öll - ég tók þá erfiðu ákvörðun rétt í þessu að fresta frumsýningunni á „Queen of effing everyting“,“ skrifar Hera en til stóð að sýningin yrði í Gamla Bíói 23. mars næstkomandi. Atburðurinn hefur nú verið tekinn úr umferð á midi.is.

Sýningunni er frestað um óákveðin tíma en ástæðan er „bossameiddi“ eins og Hera orðar það:

„Ástæðan er „bossameiddi“ sem ég náði mér í þegar ég húrraði á minn konunglega afturenda í hálkunni hér í um daginn með þeim afleiðingum að ég brákaði á mér "The Royal Rófubone"..jájá, drama á dúllunni,“ segir Hera kankvís og blikkar lesendur með til þess gerðum broskalli.

Hera lýsir svo fallinu nánar:

„Fallið var hið glæsilegasta en dregur því miður þennan hvimleiða dilk á eftir sér... og þar sem ég hafði skrifað fimleikadrottninguna Svetlönu inn í sýninguna og ætlaði að að smella henni í heljarstökk á jafnvægisslá að þá varð ég að endurskoða stöðuna þegar í ljós kom á æfingu að hún komst ekki einu sinni í handahlaup...án handa...án þess að góla upp yfir sig, grípa um afturendann og setja upp svip fórnarlambsins,“ skrifar Hera og dregur hvergi úr dramatískum lýsingum á óhappinu.

„But...eða kannski Bött...she will be back,“ segir Hera og lofar því að láta alla vita þegar staða mála skýrist.

QUEEN OF EFFING EVERYTHING - AFLÝST...í bili!Elsku öll - ég tók þá erfiðu ákvörðun rétt í þessu að fresta frumsý...

Posted by Hera Björk Prívatið on 9. mars 2016