Messi sendi pokastráknum alvöru treyju

Hinn fimm ára gamli Murtaza Ahmadi frá Afganistan varð heimsfrægur á dögunum. Myndir voru birtar af honum þar sem hann hafði klætt sig í röndóttan plastpoka. Pokann hafði hann skreytt til að gera Messi treyju úr honum.

Argentínski landsliðsmaðurinn sá myndina og með hjálp UNICEF sendi hann Ahmadi tvær raunverulegar treyjur sem hann hafði áritað. Einnig fékk Ahmadi fótbolta að gjöf.

Messi er velgjörðasendiherra UNICEF og hefur verið það um nokkurt skeið.

Samkvæmt BBC býr Ahmadi á mjög dreifbýlu svæði í Afganistan. Hann elskar fótbolta og hefur mikið dálæti á Messi. Faðir hans sagðist ekki hafa átt efni á því að kaupa treyju fyrir hann svo plastpoki hefi verið notaður í staðinn.

Ahmadi hefur heyrt af athyglinni sem hann hefur fengið og í lok janúar sagðist hann vonast til þess að fá að hitta Messi.

Hver man ekki eftir 5 ára Murtaza Ahmadi frá Afganistan sem spilaði fótbolta í heimagerðri Messi treyju úr röndóttum...

Posted by UNICEF á Íslandi on Thursday, February 25, 2016