Tvö hundruð milljóna króna íbúð til sölu í Skugganum

Landmark fasteignasala er með stórglæsilega íbúð til sölu í Skugganum við Vatnsstíg 18 á 11. hæð.

Íbúðin er 176 fermetrar og fylgi henni ellefu fermetra geymsla og stæði í lokaðri upphitaðri bílageymslu.

Útsýnið er einstakt og er horft til suðurs af svölum yfir bæinn og einnig til vesturs og norðurs yfir Faxaflóa úr stofunni. Rut Káradóttir hafði yfirumsjón með allri innanhússhönnun en í íbúðinni eru sérsmíðaðar innréttingar af Selós.

Þrjú svefnherbergi eru til staðar og hvert þeirra hefur afmarkað svæði út af fyrir sig í íbúðinni. Eldhúsið er innréttað með dökkri viðvarinnréttingu, stór eyja með granít borðplötu sem skapar góða vinnuaðstöðu, einnig er hægt að sitja við hana. Opið er inn í stofur frá eldhúsi.

Um er að ræða glæsilega lúxusíbúð í hjarta Reykjavíkur.