Ósannað að loftsteinn hafi hæft mann

Indverskir vísindamenn hafa verið beðnir um að staðfesta með frekari rannsóknum fregnir þess efnis maður hafi látist eftir að hafa orðið fyrir loftsteini, líkt og fullyrt var á dögunum.

Ef satt reynist yrði það fyrsta tilfellið um slíkan dauðdaga í tæp tvö hundruð ár. Indverska lögreglan segist hafa fundið um tíu kílóa stein á vettvangi sem nú hefur verið komið í hendur vísindamanna. Atvikið á að hafa átt sér stað í borginni Vellore í vikunni.

Í fyrstu var talið að um sprengjutilræði væri að ræða en engin sprengiefni hafa fundist á staðnum.