Gert að greina lögreglu frá þegar hann hyggst stunda kynlíf

Dómstóll í York í Bretlandi hefur gert karlmanni á fimmtugsaldri, sem sýknaður var af ákæru um nauðgun, að tilkynna lögreglu með sólarhrings fyrirvara í hvert skipti sem hann hyggst stunda kynlíf.

Í frétt BBC um málið kemur fram að sérstök tilskipun sem gefin var út í desember um að hann mætti ekki stunda kynlíf án vitundar lögreglu hafi verið framlengd um fjóra mánuði.

Fylgi maðurinn ekki reglunum gæti hann átt yfir höfði sér allt að fimm ára fangelsisdóm.

Samkvæmt tilskipuninni þarf maðurinn að gefa lögreglu upplýsingar um þá konu sem hann hyggst sofa hjá, þar með talið nafn, heimilisfang og fæðingardag. Net- og símanotkun mannsins er jafnfrmt takmörkuð með tilskipuninni.

Dómurinn mun taka afstöðu til þess í maí hvort tilskipunin verði framlengd á ný.