Mörg af þekktustu and­litum þunga­rokks­sögunnar fluttu á­breiðu af Ace of Spades

Árlega halda vinir og aðstandendur Dimebag heitins Darrel, gítarleikara þungarokkssveitarinnar Pantera, tónleikana Dimebash honum til heiðurs.

Mörg af þekktustu andlitum þungarokkssögunnar tóku sig til á tónleiknunum í ár og stofnuðu litla ofurgrúbbu. Sveitina skipuðu Phil Anselmo, söngvari Pantera, Dave Grohl sem gerði garðinn frægan með Nirvana og Foo Fighters, Metallicabassaleikarinn Robert Trujillo og trymbill Slayer, Dave Lombardo.

Sveitin steig á svið og flutti heldur rokkaðari útgáfu af laginu Ace of Spades, sem Motörhead gerði ódauðlegt á sínum tíma, en tónlistaráhugamenn eru vanir.

Meðlimir sveitarinnar vildu með þessu heiðra minningu annars rokkara, Lemmy, sem var forsprakki Motörhead, en hann lést á dögunum.

Flutning ofurgrúbbunnar má heyra hér að neðan.