Eins og ganga inn í Mad Men: Tímahylki í Álfheimum

Á fasteignavef Vísis er að finna margar perlur.

Þeirra á meðal er 120 fermetra, 4 herbergja íbúð í Álfheimum 28 en þar verður opið hús á þriðjudaginn næstkomandi.

Íbúðin er í fjölbýlishúsi sem reist var árið 1959 en á fasteignavefnum kemur fram að í íbúðinni séu upprunalegar innréttingar.

Er því nánast eins og um tímahylki sé að ræða og svipar íbúðin til leikmyndar hinna geysivinsælu sjónvarpsþátta Mad Men sem gerast á sjöunda áratug síðustu aldar.

Íbúðin skiptist í hol, 3 svefnherbergi, fataherbergi, eldhús, stofu/borðstofu, baðherbergi, svalir og sér geymsla er í sameign. Í sameign er bæði þvottahús, þurrkherbergi, vagna- og hjólageymsla.

Nánari upplýsingar, og fleiri myndir af íbúðinni, má nálgast á fasteignavef Vísis.