Eldur kom upp á Ritz-hótelinu í París

Eldur kom upp á efstu hæð lúxushótelsins Ritz í frönsku höfuðborginni París í morgun.

BBC greinir frá því að engar fréttir hafi borist af slösuðum og að slökkvilið leggi áherslu á að stöðva það að eldurinn breiðist út.

Engir gestir dvelja nú á hótelinu þar sem unnið sé að endurbótum.

Slökkviliði barst tilkynning um eldinn um klukkan sex í morgun og voru sextíu slökkviliðsmenn og fimmtán slökkvibílar sendir á vettvang.

Díana prinsessa gisti á hótelinu, nóttina áður en hún lést í bílslysi í borginni í lok ágúst 1997. Hún dvaldi þá á hótelinu ásamt Dodi Al Fayed, syni Mohamed al-Fayed, eiganda hótelsins.

Áætlað er að hótelið opni síðar á árinu eftir um þriggja ára viðgerðarstarf.