Sjáðu tæplega tveggja milljarða skíðavillu Oprah - Myndir

Spjallþáttastjórnandinn Oprah Winfrey er sennilega ein þekktasta sjónvarpskona heims og á hún alveg fyrir salti í grautinn.

Einn af hennar allra uppáhalds stöðum er hús sem hún á í Telluride í Colorado-ríki í Bandaríkjunum. Í raun einskonar skíðavilla sem hún notar þegar hún tekur sér frí frá sjónvarpslífinu.

Í húsinu eru fimm svefnherbergi, sex baðherbergi en villan var byggð árið 2001. Undir húsinu er síðan 17 metra löng vínnáma þar sem 1.600 vínflöskur eru geymdar. Húsið kostaði 14 milljónir dollara eða því sem samsvarar 1,9 milljarði íslenskra króna. Hér að neðan má sjá nokkrar myndir úr húsinu hennar Oprah.