Í beinni á Vísi: Hjörvar og Kjartan gista í hljóðveri FM957 í nótt

Nýr morgunþáttur á FM957 hefur göngu sína í fyrramálið og ber hann nafnið Brennslan. Þeir Kjartan Atli Kjartansson og Hjörvar Hafliðason verða umsjónamenn þáttarins sem verður á dagskrá alla virka daga frá sjö til tíu.

Báðum þykir þeim gott að sofa og það verður mikil breyting á þeirra lífi að þurfa vakna fyrir allar aldir. Þeir hafa því ákveðið að gista í hljóðveri FM957 í nótt og verður sýnt frá því í beinni útsendingu á Vísi.

Það verður fróðlegt að fylgjast með því og geta nátthrafnar horft á þessa tvo í kvöld og í nótt. Líklega bregða þeir eitthvað á leik og reyna skemmta áhorfendum.

Áætlað er að þeir mæti í hljóðverið um klukkan átta og ætla þeir að undirbúa þáttinn fyrri part kvölds og síðan fara þeir vonandi snemma að sofa. Fullt af góðum gestum mæta í þáttinn í fyrramálið og eiga hlustendur FM957 von á góðu.