Valdimar fór hálfa leið upp Esjuna með eðal „krúi“

„Eðal krú sem fór með mér hálfa leið upp að Steini,“ segir söngvarinn Valdimar Guðmundsson, sem er maraþonmaður Íslandsbanka þetta árið og ætlar hann sér að fara tíu kílómetra í hlaupinu.

Valdimar hefur lengi glímt við ofþyngd en hefur undanfarið tjáð sig um málefnið og ætlar sér að snúa við blaðinu.

„Esjan verður sigruð næst,“ segir hann að lokum en Valdimar fór í fjallgöngu með þeim Tómasi Guðbjartssyni, Andra Snæ Magnasyni og Ásgeiri Aðalsteinssyni í gærkvöldi.

Valdimari hefur náð góðum árangri í ræktinni og hafa kílóin fokið af honum, auk þess sem söngvarinn hefur bætt á sig miklum vöðvamassa. Íslandsbankahlaupið fer fram 20. ágúst.