Rihanna aflýsir tónleikum í Nice

Söngkonan Rihanna hefur ákveðið að aflýsa fyrirhuguðum tónleikum sínum í Nice. Poppstjarnan átti að koma þar fram í kvöld en ákvað að aflýsa þeim í kjölfar árásarinnar sem gerð var í miðbæ borgarinnar í gærkvöldi.

Rihanna er á tónleikaferðalagi um Evrópu sem stendur og var stödd í Nice þegar árásin átti sér stað. Hún var þó hvergi nærri miðbænum þegar trukkurinn keyrði inn í mannþröngina.

Einnig er búið að aflýsa fyrirhugaðri djasshátíð sem átti að hefjast á laugardag.