Harður árekstur við Hveragerði

Harður árekstur varð í kvöld við hringtorgið við austari gatnamót inn í Hveragerði. Bílarnir eru illa skemmdir. Ekki hafa fengist upplýsingar um hversu margir farþegar voru í bílunum tveimur eða þá hvort einhver hafi slasast.

Lögreglan beinir nú allri umferð fram hjá slysstað og eitthvað hefur verið um tafir á umferð vegna þessa. Lögreglan og slökkvilið eru á staðnum.

Uppfært kl.19:03

Fimm farþegar voru í bílunum tveimur en meiðsl voru minniháttar. Einhverjir þeirra sem voru í bílunum voru fluttir á slysadeild til skoðunar af lögreglu.

Talað er um áreksturinn sem minniháttar en betur fór en á horfðist.

Umferð um svæðið ætti að vera komin í eðlilegt stand.