Lagið Bréf til Evu vekur athygli

„Lagið fjallar um dreng sem kynnist stúlku [Evu] þegar hún flytur inn í hverfið þegar þau eru bæði 7 ára, þau verða bestu vinir. Svo þegar þau byrja í gaggó þá ákveður hún að byrja reykja, drekka og djamma, og drengurinn verður útundan,“ segir Ragnar Þór Jónsson, sem gengur undir listamannanafninu Spékoppar, um lagið Bréf til Evu sem hann og Seth Sharp gáfu út á dögunum.

Lagið hefur vakið þó nokkurra athygli hefur verið hlustað á það um 34 þúsund sinnum á YouTube.

„Vináttan þeirra fjarar út og með tímanum verður Eva meira og meira veik. Drengurinn verður ástfanginn af Evu og vill segja henni hvernig honum líður, hann fær svo loks tækifæri til þess að segja henni hvernig honum þegar þau eru bæði 17 ára en guggnar því honum finnst svo erfitt að sjá Evu svona veika, en þá er hún á dánarbeðinu. Eva deyr svo stuttu seinna, þess vegna er hann að skrifa henni bréfið, til þess að segja henni hvernig honum leið.“

Lífið hefur áður fjallað um Ragnar en hann er mjög virkur á Snapchat og gerir sérstaklega fallegar myndir á þeim vettvangi.

Sjá einnig: Teiknar óborganlegar myndir á Snapchat

Textinn við lagið má lesa hér að neðan:

Eva, Eva, Ég var sjö ára þegar ég kynntist þér

Ég sá þig handan við götuna, þú varst nýflutt inn í hverfið

Ég ákvað strax að við myndum verða bestu vinir

ég labbaði yfir, þú brostir og hljópst inn í hálftómt húsið

ég velti fyrir mér hvort ég ætti á eftir þér að fara

Þú hafðir varla pakkað upp úr töskunum

Mamma þín bauðst til að baka skúffuköku fyrir okkur

Þetta er fallegur morgun

Þetta er fallegur himinn

Þetta er fallegur dagur

Þetta er fallegt líf

Þessi fallega sál, við eyddum nær öllum dögum saman

Mannstu þegar Irma reif upp ruslatunnurnar ykkar

Mamma þín bað okkur um að sjá um þrifin, ég sannfærði þig að bensín og eldspýtur væri besta leiðin

Veröndin þín varð alelda

Mannstu þegar við ætluðum að vera spæjarar

Okkur fannst sniðugt að læsa fjölskylduna þína úti

til að dirka upp lásinn og vera hetjurnar

Við eyðum nær öllum tíma heima hjá mér. Það er einsog þú viljir ekki fara heim.

Barnshugur minn skilur ekki. Hvað er að ske?

Stóri bróðir þinn virðist stundum vera reiður

Mamma þín grætur enn oftar



Eina mín ósk er annar dagur með þér

Var ég að hald’of fast, þú hljópst, þú dast

Töfrandi æska þín, hrífandi sólin skín

Hugur minn í draumum hló er gleði í hjarta mínu bjó

Eina mín ósk er annar dagur með þér

Ég hélt of fast, þú hljópst, þú dast

Töfrandi æska þín, hrífandi sólin skín

Hugur minn í draumum hló er gleði í hjarta mínu bjó

Ég legg saman tvo og tvo

Heilsan þín er ástæðan fyrir gremjunni á heimili þínu

Þú byrjar að skrópa í skólann og reykja sígarettur

Ég fæ ekki að vera með, ekki það að mig langi að vera með nýju vinum þínum

Þú setur mig í hlekki, hvar er stúlkan sem ég þekki?

ég skil ekki



Þetta er fallegur morgun

Þetta er fallegur himinn

Þetta er fallegur dagur

Þetta er fallegt líf

Þetta fallega andlit sé ég sjaldnar og sjaldnar, en ég heyri ýmsa hluti um þig

Ég reyni að verjast þessum sögusögnum

Er þetta satt? Hefur þú mig kvatt?

Ég bíð og vona, Eva af hverju þarftu að láta svona?

ég finn þig í skólanum, reykingarsvæðinu ,

þú ert með nýju vinum þínum

Ég segi ykkur frá þegar við gerðum mentos og pepsi tilraunina fyrir nokkrum árum

Ég sé að þér langar að flissa, en þú vilt mig frekar missa

Vinir þínir hlægja, þekkirðu þennan lúða

Mér líður einsog hálfvita, Eva af hverju getum við ekki verið vinir

Ég er úti að labba með Irmu

ég heyri öskur er ég labba fram hjá húsinu þínu

ég hleyp að því til að sjá hvað gengur á, lít innum eldhúsgluggann

Mamma þín liggur á gólfinu grátandi

Eina mín ósk er annar dagur með þér

Var ég að hald’of fast, þú hljópst, þú dast

Töfrandi æska þín, hrífandi sólin skín

Hugur minn í draumum hló er gleði í hjarta mínu bjó

Eina mín ósk er annar dagur með þér

Ég hélt of fast, þú hljópst, þú dast

Töfrandi æska þín, hrífandi sólin skín

Hugur minn í draumum hló er gleði í hjarta mínu bjó



Ég hugsa um þig hvern einasta dag

Það er meira en ár síðan ég sá þig seinast

Ég velti fyrir mér hvað þú ert að brasa

Ég frétti að þú hefur verið mikið veik undanfarið

En þú ert svo ung

Hvernig stendur á því að þú ert alltaf veik

Ég hringi í mömmu þína, hún samþykkir að ég fái þig að sjá

Þetta er fallegur morgun

Þetta er fallegur himinn

Þetta er fallegur dagur

Þetta er fallegt líf

Þetta fallega hús, Ég geng inn, þú ert mig glöð að sjá, en ég skynja fjarveru

Ég verð vandræðalegur, brotna niður

Þú reynir mig að hugga, mamma þín dregur mig út

Mig skorti kjark til að segja þér það sem ég var að hugsa

Það er mín stærsta eftirsjá í lífinu

Eva, ég elska þig og hef alltaf gert

Það er ástæðan fyrir að ég skrifa þér þetta bréf

Ég á erfitt með að setja þetta í orð, mér líður einsog það hafi verið framið morð

Ég trúi ekki að þetta sé satt, ég vildi ég hefði þig getað kvatt

Mér líður einsog partur af mér sé horfinn

Skæra ljósið þitt hefur slokknað

Þú ert á leiðinni á stað sem þú hefur aldrei komið á áður

Vonandi er einhver þar sem getur passað þig betur en ég

Ég fríka út

Eina mín ósk er annar dagur með þér

Var ég að hald’of fast, þú hljópst, þú dast

Töfrandi æska þín, hrífandi sólin skín

Hugur minn í draumum hló er gleði í hjarta mínu bjó

Eina mín ósk er annar dagur með þér

Ég hélt of fast, þú hljópst, þú dast

Töfrandi æska þín, hrífandi sólin skín

Hugur minn í draumum hló er gleði í hjarta mínu bjó