„Þetta er ekki sú staða sem við vildum vera í eftir fjórar umferðir,“ segir Albert Brynjar Ingason, framherjir Fylkis, eftir tapið í kvöld.
Fylkir tapaði fjórða leiknum í röð í Pepsi-deild karla í kvöld þegar liðið tók á móti ÍBV. Leikurinn fór 3-0 og hefur Fylkir ekki enn fengið stig í deildinni.
„Við þurfum allir að líta í eigin barm og fara rífa okkur upp ef ekki á illa að fara. Mörkin sem við erum að fá á okkur eru alltaf fáránlega ódýr og barnaleg og þar verður við að halda mun meiri einbeitingu.“
Hann segir að leikmenn liðsins hafi enn fulla trú á hópnum en þeir þurfi að fara gera miklu betur í leikjunum.
„Uppspilið hjá liðinu er ekki að ganga alveg nægilega vel og það gerir okkur erfitt fyrir, ef við ætlum að skora einhver mörk. Þetta er kannski fyrirsjáanlegt og lítil hreyfing á okkur öllum. Svo vantar að gera betur í þessum úrslitasendingum.“
Albert: Sóknarleikur okkar fyrirsjáanlegur
Tengdar fréttir
Umfjöllun, viðtöl, myndir og einkunnir: Fylkir - ÍBV 0-3 | Eyjamenn gengu frá stigalausu Fylkisliði | Sjáðu mörkin
Eyjamenn unnu frábæran sigur á Fylki, 3-0, í 4. umferð Pepsi-deildar karla í kvöld en leikurinn fór fram í Lautinni í Árbænum.
Hermann: Nokkrir menn í mínu liði sem líta út eins og frændur sínir
"Þetta var auðvitað frábær byrjun hjá okkur eða kannski ekki,“ segir Hermann Hreiðarsson, þjálfari Fylkis, eftir tapið í kvöld.
