Ákvörðun tekin um að skipta út dekkjarkurli á þremur völlum

Inn­kauparáð borg­ar­inn­ar samþykkti á föstu­dag að láta end­ur­nýja þrjá gervi­grasvelli í borg­inni og skipta þar með dekkjak­url­inu út af þeim. Vell­irn­ir sem urðu fyr­ir val­inu eru gervi­grasvell­ir KR, Fylk­is og Vík­ings. Þetta kemur fram á mbl.is.



Kostnaðurinn við þetta nemur samtals 181 milljónum króna.

Fulltrúar Sjálfstæðisflokksins í borgarráði Reykjavíkurborgar lögðu fram tillögu í síðasta mánuði um að nýta það fé sem nota átti í framkvæmdir á Hverfisgötu milli Klapparstígs og Smiðjustígs í að skipta út dekkjakurli á gervigrasvöllum borgarinnar. „Við erum að ítreka það hvað það er mikilvægt að forgangsraða rétt,“ sagði Halldór Halldórsson, oddviti Sjálfstæðisflokksins við það tilefni. Hann sagði endurnýjun gervigrasvallanna með dekkjakurlinu meira aðkallandi en framkvæmdir á Hverfisgötunni og að hann vilji að dekkjakurlinu verði skipt út á einu ári. 

Umræða um dekkjakurl á gervigrasvöllum hefur verið áberandi í ár eftir að vísbendingar komu fram um að kurlið innihaldi krabbameinsvaldandi efni. Foreldrar í Reykjavík, margir hverjir, voru ósáttir við  þá ákvörðun Reykjavíkurborgar í febrúar um að skipta dekkjakurli á gervigrasvöllum ekki alfarið út í ár.