Akureyringur fékk sjö milljóna bónusvinning

Akureyringur er rúmum sjö milljónum ríkari eftir Víkingalottó kvöldsins. Maðurinn var með fimm aðaltölur réttar auk bónustölunnar.

Aðalvinningurinn gekk út en Finni og tveir Norðmenn skipta honum á milli sín. Þeir fá hver um sig tæpar 59 milljónir króna.

Tíu einstaklingar voru síðan með fjórar réttar tölur í Jókernum og fá hundraðþúsund krónur hver. Þrír miðanna voru keyptir í Reykjavík, einn í Grundarfirði og einn í Þorlákshöfn. Þrír miðanna voru áskrift og tveir keyptir á lotto.is.