Móðir Casillas segir að Florentino Perez sé að þvinga hann frá Real Madrid

Móðir Iker Casillas eru ekki beint ánægð með Florentino Perez, forseta Real Madrid. Þau segja að hann hafi ýtt syni sínum í burtu frá félaginu og að Casillas sé of góður til að spila með Porto.

Mari Carmen, móðir Casillas, segir að árið 2009 hafi Perez viljað fá Gianluigi Buffon, markvörð Juventus, til Real Madrid því hann hafi viljað hávaxnari markvörð. Síðan þá hafi samband félagsins við Casillas verið einkennilegt.

"Iker hefur mátt þola margt, hann hefur verið undir mikilli sálfræðilegri pressu og félagið hefur komið fram við hann öðruvísi en aðra leikmenn," segir Carmen við spænska blaðið El Mundo.

"Ég hef séð hann þjást í mörg ár. Florentino er þvinga hann frá félaginu því Iker vildi klára sinn feril hjá Real Madrid," bætti Carmen við og hún er ekkert sérlega hrifin af Porto, næsta félagi Casillas.

"Heimsmeistari getur ekki endað hjá Porto. Hann hefði getað farið hvert sem er og mér hefði verið sama þó hann hefði farið til Barcelona því þar eru herramenn," segir Carmen ennfremur en Casillas hélt blaðamannafund í morgun þar sem hann kvaddi félagið með tárum.