Endalaus fjöldi eintaka

Fyrsta tölublað bókmenntatímaritsins Skíðblaðnis er komið út hjá Tunglinu forlagi. Í því eru áður óbirtar smásögur eftir Einar Lövdahl, Guðrúnu Ingu Ragnarsdóttur, Magnús Sigurðsson, Ragnar Helga Ólafsson og Sólveigu Johnsen og ritstjóri er Sverrir Norland.

Skíðblaðni er dreift ókeypis til lesenda enda er hann til í óendanlega mörgum eintökum.

Auðvelt er að lesa hann á www.skidbladnir.is og þar er hægt að skilja eftir athugasemdir, læka og deila þeim sögum sem lesendum falla í geð.

Ný hefti munu koma út fjórum sinnum á ári, jafnan undir fullu tungli.