Íslenskur prófessor fær 300 milljónir króna frá ESB

Inga Dóra Sigfúsdóttir, prófessor við Háskólann í Reykjavík, fær tvær milljónir evra, eða um 300 milljónir íslenskra króna, í rannsóknarstyrk frá Evrópusambandinu. Inga Dóra er annar Íslendingurinn sem hlýtur svo háan styrk, að því er segir í frétt HR. Rannsóknir Ingu hafa staðið yfir í tvo áratugi og snúast um líðan ungs fólks á Íslandi. Niðurstöðurnar eru notaðar um gjörvalla Evrópu til forvarnarstarfs.

Í tilkynningu HR segir að um gríðarlega viðurkenningu sé að ræða fyrir áratuga starf Ingu og íslenskt fræðasamfélag.