Hundrað dagar á Íslandi - Seinni grein

Við erum ólík að mörgu leyti, en að mestu leyti erum við eins. Kína er meira en 9,6 milljónir ferkílómetrar að stærð og íbúafjöldinn er 1,3 milljarðar. Ísland er aðeins 103.000 ferkílómetrar og íbúafjöldinn er um 320.000. Hins vegar eru þjóðir beggja landa duglegar og greindar, með sterkan og óvæginn þjóðaranda. Kína hefur fimm þúsund ára siðmenningarsögu. Kínamúrinn er eitt af frægari undrum veraldar, eins er Konfúsíus heimsfrægur hugsuður og kennari, sem hefur haft áhrif á Kína sem og heiminn allan. „Analects af Confucius“ hefur verið þýdd yfir á íslensku. Þrátt fyrir aðeins eitt þúsund ára sögu Íslands eru hér frægir staðir eins og Þingvellir og Eddukvæðin og Íslendingasögurnar eiga sinn stað í sögu heimsbókmenntanna, og hafa þau verk verið þýdd yfir á kínversku.

Alþýðulýðveldið Kína hefur verið við lýði í 65 ár. Efnahagsleg- og félagsleg þróun í Kína hefur verið mikil og þá sérstaklega frá umbótunum 1978 og opnun landsins. Hagkerfið er orðið það næststærsta í heiminum og lífskjör fólks batnað til muna.

Á meðan efnahagsleg niðursveifla var á alþjóðlegum vettvangi hefur hagkerfið í Kína haldið einbeitingu og staðist þrýstinginn. Með nákvæmni, krafti og stefnustjórnun og stuðlun að jafnvægi hefur hagvöxtur í Kína haldist raunsær. Árið 2014 var hagvöxtur Kína í hagkerfi heimsins 27,8% og framlag Asíu hélst í 50%. Ísland hefur farið frá því að vera eitt af fátækustu löndum Evrópu yfir í það að vera eitt af ríkari löndum heims með óþreyjufullri viðleitni Íslendinga. Tekjur á hvern íbúa voru með þeim hærri í heiminum. Á undanförnum árum hefur Ísland verið að ná sér upp úr kreppunni og er að ná sér að fullu.

Ísland og Kína kanna sameiginlega mismunandi hagfræðimælikvarða, samvinnu sem hefur gagnkvæm áhrif milli mismunandi stigs þróunar í löndunum sem og tvíhliða samskipti milli landa með mismunandi líkan af félagslegu kerfi og hvernig þau geti lifað í sátt og samlyndi. Eins og er standa þessi tvö lönd frammi fyrir nýjum tækifærum og áskorunum, meðal annars þróun landanna þannig að báðar þjóðir geti hagnast af samvinnu á víðtæku sviði. Kína styður viðleitni til að endurvekja hagvöxt á Íslandi. FTA tók gildi þann 1. júlí á þessu ári, sem ætti að vera byr undir vængina og stuðla að auknum viðskiptum milli landanna tveggja og þróun á ýmsum sviðum.

Mér er það sannur heiður að vera sendiherra Kína á þessum tímum og finnst það vera verðugt verkefni. Ég er fús til að stuðla að bættum tengslum milli Íslands og Kína með stuðningi og hjálp frá stjórnvöldum og Íslendingum.

Mínir hundrað dagar á Íslandi hafa verið góðir og munu mínir næstu hundrað dagar, næstu þúsund og tíu þúsund dagar vera fullir af von.

Ég óska að vináttan milli landanna muni vera eilíf og óbreytanleg!

Ég óska ykkur góðrar heilsu, hamingju og gæfu árið 2015!