Macaulay Culkin bregður sér aftur í hlutverk Kevin McCallister - Myndband

Það muna eflaust allir eftir Home Alone myndunum en þar fór Macaulay Culkin með aðalhlutverkið og lék hann litla drenginn Kevin McCallister.

Culkin varð strax í kjölfarið mikil barnastjarna og hefur átt við töluverð vandræði að stríða alla götur síðan. Hann hefur lengi glímt við fíkniefnadjöfulinn en í gær birtist myndband með Culkin á YouTube.

Um er að ræða netþátt sem kallast DRYVRS og er í umsjón Jack Dishel. Svo virðist sem þjófar og óprúttnir aðilar elti Kevin McCallister en í þættinum reynir maður að ræna bílnum af þeim félögunum.

Kevin kann að taka á slíkum mönnum og fer vægast sagt illa með hann. Hér að neðan má sjá þáttinn.