Óskarinn 2015: Magnaðar ræður leikara í aukahlutverkum

„Fyrir allar konur sem hafa barist fyrir annarra jafnrétti. Ykkar tími er kominn, það er kominn tími á að laun kynjanna verði jöfn í Bandaríkjunum, í eitt skipti fyrir öll!“ sagði leikkonan Patricia Arquette þegar hún tók við verðlaununum fyrir bestu leikkonu í aukahlutverki í kvikmyndinni Boyhood.

Ræða hennar uppskar mikið lófatak og stóðu konurnar í salnum upp fyrir henni. 

Leikarinn J.K Simmons hlaut verðlaun fyrir besta leikara í aukahlutverki í kvikmyndinni Whiplash.

Í ræðu sinni hvatti hann unga fólkið til þess að tala við foreldra sína og þá sem þau elska.

„Ekki senda bara SMS. Segið þeim hvað þið elskið þau í eigin persónu.“