Landsliðsmaður mun bjóða gestum og gangandi uppá kaffi og kakó

Landsliðs- og handboltakapparnir Róbert Gunnarsson og Gunnar Steinn Jónsson hönnuðu á dögunum stuttermaboli og peysur sem kennd eru við BOB og eru unnin í samstarfi við UNICEF á Íslandi.

Bob Reykjavik ætlar ásamt Te og kaffi að bjóða gestum og gangandi á Laugaveginum uppá kaffi og kakó. Uppákoman er tileinkuð UNICEF á Íslandi. Drykkirnir kosta ekki en fólki er frjálst að láta nokkrar krónur af hendi fyrir bollann og rennur allur peningur óskertur til UNICEF.

Róbert Gunnarsson mun standa kaffivaktina og fá til sín aðra landsliðsmenn og þjóðþekkta einstaklingar á vaktina. Róbert mun standa við Laugaveg 41 í dag (22. des) frá 18-21 og á Þorláksmessu frá 16-20.