Sýndu samstöðu á Austurvelli: Megum ekki bregðast veikum börnum sem hingað koma Bjarki Ármannsson og Sunna Karen Sigurþórsdóttir skrifa 15. desember 2015 18:04 Katrín Jakobsdóttir, formaður Vinstri grænna, var meðal ræðumanna. Vísir/Ernir Óréttlætanlegt er að börn í nauð fái ekki hjálp hér á landi vegna óljósra hugmynda um að þá hellist yfir flóðbylgja af öðrum í sömu aðstæðum. Mikilvægt er að þessi mál séu rædd, og skoða þarf hvort íslenska kerfið taki tillit til Barnasáttmála Sameinuðu þjóðanna, sem lögfestur var hér á landi árið 2013. Þetta kom fram í máli Katrínar Jakobsdóttir, formanns Vinstri grænna, á samstöðufundi á Austurvelli í kvöld, þar sem albönsku fjölskyldunum tveimur sem vísað var úr landi í síðustu viku var sýndur stuðningur. Rætt var við skipuleggjanda fundsins, hina fimmtán ára Unu Maríu Óðinsdóttur, á Vísi fyrr í dag. „Rétt eins og ekkert okkar sem einstaklingur myndi hika við að hjálpa slösuðu barni úti á götu vegna ótta við að önnur börn fylgi á eftir verðum við að taka ákvörðun sem samfélag um að bregðast ekki veikum börnum sem hingað koma,“ sagði Katrín. „Stöndum saman um samfélag sem bregst ekki börnum. Gleymum ekki hverjar eru frumskyldur okkar sem einstaklinga og sem samfélags.“Ræða Katrínar í heild sinni„Barnið skal njóta vafans,“ segir Bergur Þór Ingólfsson leikari.Vísir/ErnirKerfi sem stæði ógn af börnum þyrfti að rústa Meðal annarra ræðumanna á fundinum var Bergur Þór Ingólfsson leikari, sem sagði það hljóta að vera grundvallarfyrirkomulag að gera alltaf það sem barni er fyrir bestu. „Barnið skal njóta vafans,“ sagði Bergur Þór. „Þessir tveir litlu drengir voru betur settir á Barnaspítalanum heldur en í Albaníu og við, íslenska ríkið, sem röskuðum því ætlum að leiðrétta þau mistök fyrir jól – vonandi.“ Bergur beindi tali sínu einnig að umdeildum ummælum þingmannsins Brynjars Níelssonar, sem sagði í sjónvarpsþættinum Eyjunni um helgina að honum bæri að hugsa um að fara að lögum í máli fjölskyldunnar. Hann vildi ekki taka þátt í því að leggja allt „kerfið“ á Íslandi í rúst bara til þess að vera „góður maður.“ „Við þurfum ekki að óttast að það að vilja vera góður „rústi kerfinu,““ sagði Bergur Þór. „Enda væri kerfi sem stæði ógn af börnum skakkt og rangt. Slíku kerfi þyrfti reyndar hreinlega að rústa.“ Þá vakti hann einnig athygli á máli sýrlensku stúlknanna Jönu og Joulu og fjölskyldu þeirra, sem dvelur nú á Íslandi eftir að hafa dvalið á götunni í Grikklandi á leið sinni frá heimalandinu. Þangað stendur til að vísa þeim aftur á grundvelli Dyflinnarreglugerðarinnar þrátt fyrir að stúlkurnar séu komnar á leikskóla.Mál fjölskyldnanna tveggja hefur vakið mikla athygli og gagnrýni meðal almennings.Vísir/Ernir„Bara af því að pabbinn skildi eftir fingrafar sitt í Grikklandi á flótta sínum frá Sýrlandi segja lögin sem kennd eru við Dyflinni að þá séu þessar stúlkur ekki okkar vandamál. Ég hef hitt þær og börn einhverra okkar eru með þeim í leikskóla. Þessar stúlkur eru ekkert vandamál. En við getum orðið þeirra vandamál.“Ræða Bergs Þórs í heild sinniSlímseigjusjúkdómurinn betur meðhöndlaður á ÍslandiÞá tók Unnur Ösp Stefánsdóttir leikkona til máls og fjallaði sérstaklega um slímseigjusjúkdóminn sem drengurinn Kevi er haldinn. Hún vitnaði í Kristján Dereksson barnalækni sem segir albanska heilbrigðiskerfið mun verr í stakk búið til að meðhöndla slímseigjusjúkdóm en hið íslenska. „Heilbrigðiskerfi Albaníu stendur því íslenska að baki hvað varðar lífslíkur fólks og gæði heilbrigðisþjónustunnar,“ sagði Unnur Ösp. „Þótt Albanir séu búnir að bæta margt í heilbrigðiskerfi sínu þá er meðferð þessa sjúklingahóps flókin og krefst kunnáttu, aðstöðu, mannauðs, lyfja og tækni sem ekki eru á færi allra landa að veita.“Ræða Unnar Aspar í heild sinniÁ fundinum komu einnig fram tónlistarmennirnir Lay Low og Magga Stína. Flóttamenn Mest lesið Magga Stína handtekin í nótt af Ísraelsher Innlent Langþreyttur á TikTok áreiti og rasískum orðsendingum skólakrakka Innlent Átján sagt upp í Seljahlíð Innlent Dullarfull brotlending nærri Area 51 Erlent Björk styður æskuvinkonu sína sem sætir svívirðingum Innlent Engan óraði fyrir framhaldinu Erlent Ákærður fyrir stunguárás á Seltjarnarnesi Innlent Spá mikilli ölduhæð við Faxaflóa í vestan hvassviðri Veður Spyr hvort aflífa þurfi sig vegna mjaðmaskipta Innlent Sást blóðugur fyrir utan fjölbýlishús Innlent Fleiri fréttir Björk styður æskuvinkonu sína sem sætir svívirðingum „Minnir á saltveðrið mikla“ Magga Stína tekin höndum og gular viðvaranir í kortunum Stúlkan komin í leitirnar Bændum verulega brugðið vegna breytinga á búvörulögum Ákærður fyrir stunguárás á Seltjarnarnesi Magga Stína handtekin í nótt af Ísraelsher Átján sagt upp í Seljahlíð Fyrri degi heimsóknar lauk með kvöldverði í forsetahöllinni Sást blóðugur fyrir utan fjölbýlishús Langþreyttur á TikTok áreiti og rasískum orðsendingum skólakrakka „Það er sárt að þurfa að horfa á eftir þeim“ Ekki hlutverk stjórnarandstöðunnar að halda uppi stemmingu Segir réttast að ráðherra dragi drögin í heild sinni til baka Spyr hvort aflífa þurfi sig vegna mjaðmaskipta Þungt símtal bónda í Skagafirði Lögregla lýsir eftir Aylin Dæmi um að aðstandendur beri fíkniefni í börn á Stuðlum Tóku farsíma af unglingum í Hafnarfirði og millifærðu af reikningum Stofna hreyfingu til undirbúnings íslenskum her Fólk hvatt til að setjast og spjalla á spjallbekknum Diljá hlustaði á Bítið með tárin í augunum Kyngreint nautasæði kemur vel út Samþykkt að kortleggja eignarhald sjávarútvegsfyrirtækja „Þýðir ekki bara að moka yfir hlutina“ Segir stöðuna á sjúkrahúsinu á Akureyri grafalvarlega „Það þarf að gera meira og hraðar“ Ekki áfellisdómur yfir kerfinu að farið sé með börn í meðferð í Suður-Afríku Snjór í Esjunni en ekki víst að hann festist Farþegi á bak og burt þegar björgunaraðilar mættu Sjá meira
Óréttlætanlegt er að börn í nauð fái ekki hjálp hér á landi vegna óljósra hugmynda um að þá hellist yfir flóðbylgja af öðrum í sömu aðstæðum. Mikilvægt er að þessi mál séu rædd, og skoða þarf hvort íslenska kerfið taki tillit til Barnasáttmála Sameinuðu þjóðanna, sem lögfestur var hér á landi árið 2013. Þetta kom fram í máli Katrínar Jakobsdóttir, formanns Vinstri grænna, á samstöðufundi á Austurvelli í kvöld, þar sem albönsku fjölskyldunum tveimur sem vísað var úr landi í síðustu viku var sýndur stuðningur. Rætt var við skipuleggjanda fundsins, hina fimmtán ára Unu Maríu Óðinsdóttur, á Vísi fyrr í dag. „Rétt eins og ekkert okkar sem einstaklingur myndi hika við að hjálpa slösuðu barni úti á götu vegna ótta við að önnur börn fylgi á eftir verðum við að taka ákvörðun sem samfélag um að bregðast ekki veikum börnum sem hingað koma,“ sagði Katrín. „Stöndum saman um samfélag sem bregst ekki börnum. Gleymum ekki hverjar eru frumskyldur okkar sem einstaklinga og sem samfélags.“Ræða Katrínar í heild sinni„Barnið skal njóta vafans,“ segir Bergur Þór Ingólfsson leikari.Vísir/ErnirKerfi sem stæði ógn af börnum þyrfti að rústa Meðal annarra ræðumanna á fundinum var Bergur Þór Ingólfsson leikari, sem sagði það hljóta að vera grundvallarfyrirkomulag að gera alltaf það sem barni er fyrir bestu. „Barnið skal njóta vafans,“ sagði Bergur Þór. „Þessir tveir litlu drengir voru betur settir á Barnaspítalanum heldur en í Albaníu og við, íslenska ríkið, sem röskuðum því ætlum að leiðrétta þau mistök fyrir jól – vonandi.“ Bergur beindi tali sínu einnig að umdeildum ummælum þingmannsins Brynjars Níelssonar, sem sagði í sjónvarpsþættinum Eyjunni um helgina að honum bæri að hugsa um að fara að lögum í máli fjölskyldunnar. Hann vildi ekki taka þátt í því að leggja allt „kerfið“ á Íslandi í rúst bara til þess að vera „góður maður.“ „Við þurfum ekki að óttast að það að vilja vera góður „rústi kerfinu,““ sagði Bergur Þór. „Enda væri kerfi sem stæði ógn af börnum skakkt og rangt. Slíku kerfi þyrfti reyndar hreinlega að rústa.“ Þá vakti hann einnig athygli á máli sýrlensku stúlknanna Jönu og Joulu og fjölskyldu þeirra, sem dvelur nú á Íslandi eftir að hafa dvalið á götunni í Grikklandi á leið sinni frá heimalandinu. Þangað stendur til að vísa þeim aftur á grundvelli Dyflinnarreglugerðarinnar þrátt fyrir að stúlkurnar séu komnar á leikskóla.Mál fjölskyldnanna tveggja hefur vakið mikla athygli og gagnrýni meðal almennings.Vísir/Ernir„Bara af því að pabbinn skildi eftir fingrafar sitt í Grikklandi á flótta sínum frá Sýrlandi segja lögin sem kennd eru við Dyflinni að þá séu þessar stúlkur ekki okkar vandamál. Ég hef hitt þær og börn einhverra okkar eru með þeim í leikskóla. Þessar stúlkur eru ekkert vandamál. En við getum orðið þeirra vandamál.“Ræða Bergs Þórs í heild sinniSlímseigjusjúkdómurinn betur meðhöndlaður á ÍslandiÞá tók Unnur Ösp Stefánsdóttir leikkona til máls og fjallaði sérstaklega um slímseigjusjúkdóminn sem drengurinn Kevi er haldinn. Hún vitnaði í Kristján Dereksson barnalækni sem segir albanska heilbrigðiskerfið mun verr í stakk búið til að meðhöndla slímseigjusjúkdóm en hið íslenska. „Heilbrigðiskerfi Albaníu stendur því íslenska að baki hvað varðar lífslíkur fólks og gæði heilbrigðisþjónustunnar,“ sagði Unnur Ösp. „Þótt Albanir séu búnir að bæta margt í heilbrigðiskerfi sínu þá er meðferð þessa sjúklingahóps flókin og krefst kunnáttu, aðstöðu, mannauðs, lyfja og tækni sem ekki eru á færi allra landa að veita.“Ræða Unnar Aspar í heild sinniÁ fundinum komu einnig fram tónlistarmennirnir Lay Low og Magga Stína.
Flóttamenn Mest lesið Magga Stína handtekin í nótt af Ísraelsher Innlent Langþreyttur á TikTok áreiti og rasískum orðsendingum skólakrakka Innlent Átján sagt upp í Seljahlíð Innlent Dullarfull brotlending nærri Area 51 Erlent Björk styður æskuvinkonu sína sem sætir svívirðingum Innlent Engan óraði fyrir framhaldinu Erlent Ákærður fyrir stunguárás á Seltjarnarnesi Innlent Spá mikilli ölduhæð við Faxaflóa í vestan hvassviðri Veður Spyr hvort aflífa þurfi sig vegna mjaðmaskipta Innlent Sást blóðugur fyrir utan fjölbýlishús Innlent Fleiri fréttir Björk styður æskuvinkonu sína sem sætir svívirðingum „Minnir á saltveðrið mikla“ Magga Stína tekin höndum og gular viðvaranir í kortunum Stúlkan komin í leitirnar Bændum verulega brugðið vegna breytinga á búvörulögum Ákærður fyrir stunguárás á Seltjarnarnesi Magga Stína handtekin í nótt af Ísraelsher Átján sagt upp í Seljahlíð Fyrri degi heimsóknar lauk með kvöldverði í forsetahöllinni Sást blóðugur fyrir utan fjölbýlishús Langþreyttur á TikTok áreiti og rasískum orðsendingum skólakrakka „Það er sárt að þurfa að horfa á eftir þeim“ Ekki hlutverk stjórnarandstöðunnar að halda uppi stemmingu Segir réttast að ráðherra dragi drögin í heild sinni til baka Spyr hvort aflífa þurfi sig vegna mjaðmaskipta Þungt símtal bónda í Skagafirði Lögregla lýsir eftir Aylin Dæmi um að aðstandendur beri fíkniefni í börn á Stuðlum Tóku farsíma af unglingum í Hafnarfirði og millifærðu af reikningum Stofna hreyfingu til undirbúnings íslenskum her Fólk hvatt til að setjast og spjalla á spjallbekknum Diljá hlustaði á Bítið með tárin í augunum Kyngreint nautasæði kemur vel út Samþykkt að kortleggja eignarhald sjávarútvegsfyrirtækja „Þýðir ekki bara að moka yfir hlutina“ Segir stöðuna á sjúkrahúsinu á Akureyri grafalvarlega „Það þarf að gera meira og hraðar“ Ekki áfellisdómur yfir kerfinu að farið sé með börn í meðferð í Suður-Afríku Snjór í Esjunni en ekki víst að hann festist Farþegi á bak og burt þegar björgunaraðilar mættu Sjá meira