Alfreð fékk blys í sig fyrir stórleikinn - Myndband

Ávallt er gríðarleg stemning þegar  Panathinaikos og Olympiakos mætast í grísku úrvalsdeildinni í knattspyrnu en allt fór úr böndunum fyrir leikinn í dag.

Þegar leikmenn Olympiakos gengu inn á heimavöll Panathinaikos til að skoða aðstæður tóku áhorfendur upp á því að kasta blysum inn á völlinn.

Það fór ekki betur en svo að Alfreð Finnbogason fékk blys í löppina og brá heldur betur í brún. Leikurinn átti að fara fram klukkan 17:30 en honum var frestað vegna ástandsins á vellinum.