Jóhann Berg getur spilað á föstudag

KSÍ tilkynnti í dag að Jóhann Berg Guðmundsson yrði með landsliðinu í komandi vináttulandsleikjum.

Jóhann Berg hefur verið að glíma við meiðsli og var ekki búist við því að hann næði fyrri leiknum gegn Póllandi á föstudag vegna meiðslanna.

Hann spilaði aftur á móti með Charlton um helgina og stóð sig vel. Lagði upp tvö mörk og er klár í slaginn. Hann bætist því við hópinn sem þegar var búið að velja.

Ísland spilar við Pólland á föstudag, eins og áður segir, svo gegn Slóvökum á þriðjudag.