Stórglæsilegt myndband frá brúðkaupi Söru Heimis og Rich Piana

Sara Heimisdóttir, 26 ára Íslendingur, og Rich Piana, 44 ára, vaxtaræktarmaður frá Bandaríkjunum, gengu í það heilaga þann 17. september.

Brúðkaupið fór fram á sjálfri Mr. Olympia-keppninni í Las Vegas, nánar tiltekið á Orleans hótelinu.

Parið býr í Los Angeles í nokkur hundruð fermetra einbýlishúsi. Þau kynntust á Facebook fyrir tveimur árum.

Brúðkaupið var einstaklega fallegt. Risavaxinn vaxtaræktarkappi gaf þau hjónin saman en hann gekk inn í salinn, svartklæddur með stóra hettu fyrir andlitinu.

Rich var klæddur í svört og smekkleg ermalaus jakkaföt og hafði hann aflitað á sér hárið fyrir athöfnina. Sara var sjálf í gullfallegum hvítum kjól. Rich kom inn í salinn í kóngastól og var vel tekið á móti kappanum.

Piana er mjög vinsæll á YouTube og heldur hann úti sinni eigin síðu þar. Vissulega var brúðkaupið allt tekið upp og hér að neðan má sjá stórglæsilegt myndband frá athöfninni.